Salam Əziz xeyriyyəçi insanlar.
Babaşova Ayşən Eldəniz qızı 13 fevral 2002-ci ildə Bakı şəhərində anadan olmuşdur. Körpə vaxtlarından Ayşən “uşaq serebral iflici”ndən əziyyət çəkməyə başlayır. Xəstə yanvar ayının 16-sı 2010-cu ildə “CITY HOSPITAL” xəstəxanasına “Uşaq serebral iflici, budların yaxınlaşdırıcı kontrakturası, rekrus sindromu” diaqnozu ilə daxil olmuşdur. Və həmin gün ümumi endotraxeal anesteziyanın tətbiqi ilə “ikitərəfli budun düz əzələlərinin uzadılması və ikitərəfli qapalı adduktortomiya” əməliyyatı icra edilmişdir.

Yanvarın 17-si 2010-cu ildə isə Ayşən kafi halda gərəkli məsləhətlərlə evə ambulator müalicəyə yazılmışdır. Amma son vaxtlar uşaqda tez-tez qıcolmalar baş verdiyindən o, iyun ayının 11 yenidən “CITY HOSPITAL” klinikasında müayinədən keçir. Onlara xəstənin hər iki dizin bükücü kontrakturalarının aradan götürülməsi üçün əməliyyat olunması bildirilib. Əməliyyat isə İran İslam Respublikasında mümkün olduğundan, ailənin buna maddi imkanı yoxdur.