1) Maddi cəhətdən onu təmin etsin.
2) Bədənini örtsün. (ona layiq paltar alsın)
3) Onunla pis davranmasın.
4) Onun səhvlərini bağışlasın.
5) Ona mərhəmətli olsun.
6) Ona ehtiramın saxlaya.

1, 2 və 5-ci hüquqlar qadının maddi hüquqlarıdır. Yəni hər bir kişi öz ailəsinin maddi cəhətdən təmin etməlidir. Onun gündəlik xərcini vermək kişinin öhdəsindədir. Bəzi kişilər qazandıqları pulların qədrini bilməyərək necə geldi xərcləyirlər və öz ailələrinin ehtiyacını ödəmirlər. Digər bəziləri isə pul qazanmağın yolunu bilmədiklərinə görə kasıbçılıqla, çətinliklə yaşayırlar. Kişi çalışıb özünə münasib iş tapıb işləməli və öz ailəsini dolandırmalıdır.

Hədislərdə bir neçə nəfərə “Həbibullah” Allahın dostu ləqəbi verilibdir ki, biri də ticarətlə məşğul olanın ləqəbidir. Ailəni maddi cəhətdən təmin etməmək onun haqqına təcavüz etmək deməkdir. Kiminsə hüququnu tapdamaq isə zülmdür. Zülm isə aşağıdakı qismlərə bölünür:
1) Bağışlanan zülm.
2) Bağışlanmayan zülm.

Bağışlanmayan zülm haqqunnasdan ibrətdir. Qadının da hüququna təcavüz etmək haqqunnasdan sayılır. Demək qadının hüququna təcavüz edib ona zülm etmək bağışlanmaya günahdandır. Yəni qadın (haqq sahibi) bağışlamazsa, Allah taala da bağışlamaz. Qadınlar kişilərin bu zülmünə məruz qaldıqda və bu zülm öz həddini aşdığı zaman boşanma fikrinə düşürlər.

Allah taala yanında halal şeylərin ən pisi boşanmaqdır. Bu problemin qarşısını almaq üçün yaxud belə bir problemlə üzləşməmək üçün, kişi gərək bütün qüvvəsi ilə çalışıb ailəsini dolandırsın.
Ruzi qazanmaq üçün, iş dalısıyca getmək heç də qəbahətli bir iş deyil. Hətta bunun çoxlu savabı var. Peyğəmbər (s) buyurub: Öz ailəsi üçün çalışan kəs cihad etmiş kimidir.

Həzrəti İsa (ə) bir nəfəri daima ibadət halında görəndə onun necə dolandığını soruşdu və o abid belə cavab verdi: Mənim dolanışığım qardaşımın əlindədir. O, işləyir mən də onun qazandığından yeyirəm. Həzrəti İsa (ə) buyurdu: Qardaşın səndən də daha çox abidlik edir. Əzizlərim ibadət təkcə namaz qılmaq, həccə gedib pul xərcləmək deyil gərək ailənin də layiqincə xərcini verəsən. Peyğəmbərimiz qadını gülə oxşadaraq buyurur: Qadın bir güldür. Gülün vaxtı vaxtında suyu verilməlidir. Qeyri surətdə tez solub saralar. Qadın bir güldür gərək onunla bir gül kimi rəftar edilsin və onun ehtiyacı ödənilsin.

Ərlə arvad arasında mövcud olan anlaşılmamazlıq
Bu problemə çox səbəb qadındır. Beləki qadın kişiyə nisbət bəzi hüquqlara malik olduğu kimi kişinində qadına nisbət hüquqları vardır.

Kişinin qadına nisbət hüquqları:
1) Ərindən itaət etsin.
2) Onun malından icazəsiz sədəqə verməsin (xərcləməsin).
3) Ərindən icazəsiz müstəhəb oruc tutmasın.
4) Ərinin onunla yaxın olmasına mane olmasın.
5) Ərindən icazəsiz evdən çölə çıxmasın.

Ərdən itaət. Ailədə ən çox üzə çıxan problemlərdən biri ər ilə arvad arasında olan anlaşılmamazlıqdır. Bu anlaşılmamazlığın bir neçə səbəbi var ki, bir-bir onlara işarə edirik.

Anlaşılmamazlığın səbəbləri:
1)İtaətsizlik. Qadının ərindən itaət etməsi kişinin hüquqlarından biridir. Ər arvaddan bir şey xahiş etdikdə qadın ərinə “Elə şey yoxdur mən bunu istəyirəm, Gərək belə eliyəm, məni maraqlandırmır kimi sözlərini deyərsə təbiidir ki, onların arasında məhəbbətdən heç bir əsər əlamət qalmaz.
Qadınlar gərək Fatimeyi-Zəhradan ibrət alsınlar. Əli (ə) Fatimədən bir şey istədikdə Həzrəti Zəhra (s) dedi: Ev sənin evindir. Qadınlar da kişilərə tabedir. Mən səninlə heç bir işdə müxalifətçilik etmərəm. (Beytul-əhzan.Səh:144)

Qadın o sözlərin yerinə baş üstə, gözüm üstə, sən necə istəyirsən ele də olsun kimi sözlər işlədərsə kişi də çalışar ki, ailəsinin istədiklərini yerinə yetirsin. Bu sözlərə diqqət yetirin, görün necə də bunlardan məhəbbət yağır.

2)Deyinmək. Biz hamımız, həyatda qadının zəhmətinin böyük və çox olduğuna etiraf etməliyik. Heç bir kişi qadının çəkdiyi zəhmətin öhdəsindən gələ bilməz. Ola bilsin subaylarımız buna etiraf etməkdən boyun qaçırsınlar, lakin ailə qurduqdan sonra bu həqiqəti qəbul edəcəklər. Elə qadınlar var ki, bu zəhmətə qatlaşdıqda daima deyinərək evdə kişini və uşaqları özündən bezdirirlər. Xüsusi ilə qadının deyinməsi çox pis bir əlamətdir və onun həyasızlığını göstərir. Əks təqdirdə isə evdə sakitçilik və mehribançılıq hökm sürür. Qadınlar səbr etsələr bütün problemlər aradan qaldırılar.

Bir gün Səlman (ə) Həzrəti Zəhradan soruşdu: Fizzə sizin xidmətçiniz ola-ola sənin əllərin nə üçün yara olub? O Həzrət buyurdu: Peyğəmbər (s) ev işlərini bir gün mənim və bir gün də Fizzənin öhdəsinə qoyubdur ki, dünən onun növbəsi idi bu gün isə mənim növbəmdir. (Beytul-əhzan,səh:20.)

3)Kişinin zəhmətinə göz yummaq. Qadının əri işdən gələndə gərək xoş təbəssümlə onun qabağına çıxısın, ayaqlarını yumaq üçün su gətirsin, corablarını çıxartsın və tez süfrə sərərək yemək gətirsin. Bəzi qadınlar ərinin yorğun halda işdən qayıtmasına məhəl qoymayaraq öz bəzəy-düzəyinə məşğul olur. Mən deyərdim ki, belə qadınların mədəniyyətləri yoxdur. Qadın güldür gərək gül kimi ətir saçsın, bütövlüklə tikan olmasın. Kişinin zəhmətinə göz yummaq da başqa bir ciddi problemlərdən biridir.

4)Qonağı xoşlamamaq. Bəzi qadınların qonağın gəlişini sevmir. Ona görə ki, qonaq gələndə adətən evdə iş çoxalır. Deyək ki, yemək hazırlamaq lazımdır, qonağı qarşılamaq gərəklidir, qonaqlar getikdən sonra yığılan çirkin qabları yumaq lazımdır, evi sahmana salmaq lazımdır və s.. Qonağın gəlişinə narahat olur və ərinə etiraz edərək deyir: Nə qədər qonaq gətirirsən evə. Xoş o qadınlara ki, ancaq ərlərinin istəkləri ilə hərəkət edirlər, təvazökardırlar.

Hekayət: Peyğəmbər (s) zamanında bir kişinin arvadı qonağı sevməzdi. Kişi ailəsinin bu işindən o, həzrətə şikayətləndi. Peyğəmbər (s) buyurdu: Ged arvadına de ki, qonaq gələndə qapı dalından, gedəndə isə qapını aç bax. Qadın Peyğəmbər diyən kimi də elədi. Qonaq gələndə gördü ki, qonağın ətəyi bol meyvələr, istənilən nemətlərlə doludur. Gedəndə baxdıqda isə onun ətəyində müxtəlif qorxulu heyvanların asıldığını gördü. Qadının əri bunun mənasını Peyğəmbərdən (s) soruşduqda həzrət buyurdu: Qonaq gələndə özü ilə bol nemətlər gətirir, gedəndə isə evdə olan bəlaları özü ilə aparır. Kişi bunu öz arvadına çatdırdı. Qadın artıq qonaqdan xoşu gələrdi. Hətta qonaq gəlməyəndə narahat olardı. (Tohfətul-Vaizin) Qadının qonağı sevməməsi də ailədə problem yaradan məsələlərdən biridir.